E-PAPER
23 Nov 2026, 02:12:42 AM|
Gold₹12413/gGold24K ₹12,413/g - 22K ₹11,369/gTap for full details
Press ID & Credential Portal
Apply / Verify  ➔
LIVE TV LocalCrimeStateNationalInternationalPoliticsBusinessEducationTechnologyEntertainmentSportsHealthFeatureTravelingBeauty
Press & Media Credential Portal
✕
1. Apply for Press ID Card
Register official reporter application with Email OTP.
➔
2. Download Approved Badge
Enter Card ID to receive authorization code via email.
3. Verify Reporter ID & Card (View Only)
For Public & Police: Check if card is authentic.
Local News

ನೀರಿನ ಮಿತಬಳಕೆಗೆ ಜಿಲ್ಲಾಧಿಕಾರಿ ನಾಗೇಂದ್ರ ಪ್ರಸಾದ್ ಕರೆ

ಬಳ್ಳಾರಿ:ಜಿಲ್ಲೆಯಾದ್ಯಂತ ಅಂತರ್ಜಲ ಮಟ್ಟದಲ್ಲಿ ಗಣನೀಯ ಇಳಿಕೆ ಕಂಡುಬAದಿರುವ ಹಿನ್ನೆಲೆಯಲ್ಲಿ, ಸಾರ್ವಜನಿಕರು ಕುಡಿಯುವ ನೀರನ್ನು ಅತ್ಯಂತ ಜಾಗರೂಕತೆಯಿಂದ ಮತ್ತು ಮಿತವಾಗಿ ಬಳಸಬೇಕು ಎಂದು ಜಿಲ್ಲಾಧಿಕಾರಿ ನಾಗೇಂದ್ರ ಪ್ರಸಾದ್.ಕೆ ಅವರು ಮನವಿ ಮಾಡಿದ್ದಾರೆ.
ಕಳೆದ ವರ್ಷದ (ಅಕ್ಟೋಬರ್ 2025) ಅಂಕಿಅAಶಗಳಿಗೆ ಹೋಲಿಸಿದರೆ, ಪ್ರಸಕ್ತ ವರ್ಷದ ಅಕ್ಟೋಬರ್ ವೇಳೆಗೆ ಜಿಲ್ಲೆಯ ಎಲ್ಲಾ ಐದು ತಾಲೂಕುಗಳಲ್ಲಿ ಅಂತರ್ಜಲ ಮಟ್ಟ ಕುಸಿದಿದೆ. ಅದರಲ್ಲೂ ಸಂಡೂರು ತಾಲೂಕಿನಲ್ಲಿ ಅತಿ ಹೆಚ್ಚು ಅಂದರೆ 6.52 ಮೀಟರ್ ನಷ್ಟು ಅಂತರ್ಜಲ ಇಳಿಕೆಯಾಗಿದ್ದು, ನೀರಿನ ಮಟ್ಟ 5.35 ಮೀಟರ್ ನಿಂದ 11.87 ಮೀಟರ್ ಗೆ ಕುಸಿದಿದೆ. ಉಳಿದಂತೆ ಬಳ್ಳಾರಿಯಲ್ಲಿ 1.83 ಮೀಟರ್ (5.73 ಮೀ.), ಕಂಪ್ಲಿಯಲ್ಲಿ 1.57 ಮೀಟರ್ (4.21 ಮೀ.), ಸಿರುಗುಪ್ಪದಲ್ಲಿ 1.17 ಮೀಟರ್ (3.15 ಮೀ.) ಹಾಗೂ ಕುರುಗೋಡು ತಾಲೂಕಿನಲ್ಲಿ 0.97 ಮೀಟರ್ (8.10 ಮೀ.) ನಷ್ಟು ಅಂತರ್ಜಲ ಕುಸಿತ ದಾಖಲಾಗಿದೆ.
ಗ್ರಾಮೀಣ ಕೆರೆಗಳು ಹಾಗೂ ಬೋರ್ ವೆಲ್ ಸ್ಥಿತಿಗತಿ:
ನವೆಂಬರ್ 18ರ ವರೆಗಿನ ವರದಿಯಂತೆ ಬಳ್ಳಾರಿ, ಕುರುಗೋಡು, ಸಿರುಗುಪ್ಪ ಮತ್ತು ಕಂಪ್ಲಿ ತಾಲೂಕುಗಳ ವ್ಯಾಪ್ತಿಯಲ್ಲಿರುವ ಒಟ್ಟು 66 ಗ್ರಾಮೀಣ ಕುಡಿಯುವ ನೀರಿನ ಕೆರೆಗಳ ಪೈಕಿ 33 ಕೆರೆಗಳು ಶೇ. 91 ರಿಂದ 100 ರಷ್ಟು ಭರ್ತಿಯಾಗಿವೆ. 19 ಕೆರೆಗಳಲ್ಲಿ ಶೇ. 76 ರಿಂದ 90 ರಷ್ಟು ನೀರಿದ್ದು, 5 ಕೆರೆಗಳು ಶೇ. 51 ರಿಂದ 75 ರಷ್ಟು ತುಂಬಿವೆ. ಬಳ್ಳಾರಿ ತಾಲೂಕಿನ ಒಂದು ಕೆರೆಯಲ್ಲಿ ಮಾತ್ರ ನೀರಿನ ಸಂಗ್ರಹ ಶೇ. 25 ಕ್ಕಿಂತ ಕಡಿಮೆಯಿದ್ದು, ಉಳಿದ 8 ಕಡೆಗಳಲ್ಲಿ ನದಿಯಿಂದ ನೇರವಾಗಿ ನೀರು ಪಂಪ್ ಮಾಡಲಾಗುತ್ತಿದೆ. ಇನ್ನು ಅಂತರ್ಜಲ ಕುಸಿತ ಹೆಚ್ಚಿರುವ ಸಂಡೂರು ತಾಲೂಕಿನ 6 ಗ್ರಾಮ ಪಂಚಾಯಿತಿಗಳ ವ್ಯಾಪ್ತಿಯ 7 ಗ್ರಾಮಗಳಲ್ಲಿ (ಚೋರನೂರು-2, ಹೊಸ ಜೋಗಿಕಲ್ಲು, ಹೆಚ್.ಕೆ.ಹಳ್ಳಿ, ಬಂಡ್ರಿ, ಸಿ.ಲಕ್ಕಲಹಳ್ಳಿ, ಹುಲಿಕುಂಟೆ ಹಾಗೂ ಎಸ್.ಒಬಳಾಪುರ ತಲಾ-1) ಒಟ್ಟು 8 ಖಾಸಗಿ ಬೋರ್ ವೆಲ್ ಗಳ ಮೂಲಕ ನೀರಿನ ವ್ಯವಸ್ಥೆ ಗುರುತಿಸಲಾಗಿದೆ.
*ನಗರ ಸ್ಥಳೀಯ ಸಂಸ್ಥೆಗಳ ನೀರು ಪೂರೈಕೆ ವಿವರ:*
ಜಿಲ್ಲೆಯ ನಗರ ಸ್ಥಳೀಯ ಸಂಸ್ಥೆಗಳಲ್ಲಿ ಸದ್ಯಕ್ಕೆ ಕುಡಿಯುವ ನೀರಿನ ಸಂಗ್ರಹ ತೃಪ್ತಿಕರವಾಗಿದ್ದು, ಮುಂದಿನ 2 ರಿಂದ 6 ತಿಂಗಳವರೆಗೆ ಪೂರೈಸುವಷ್ಟು ನೀರು ಲಭ್ಯವಿದೆ.
ಬಳ್ಳಾರಿ ಮಹಾನಗರ ಪಾಲಿಕೆ: ಅಲ್ಲೀಪುರ (ಶೇ. 93.36) ಮತ್ತು ಮೋಕಾದ ಮೂರು ಜಲಸಂಗ್ರಹಾಗಾರಗಳಲ್ಲಿ (ಶೇ. 89 ರಿಂದ 97 ರಷ್ಟು) ನೀರು ಸಂಗ್ರಹವಿದ್ದು, ಮುಂದಿನ 70 ದಿನಗಳವರೆಗೆ 7 ದಿನಕ್ಕೊಮ್ಮೆ ನೀರು ಸರಬರಾಜು ಮಾಡಲು ಸಿದ್ಧತೆ ಇದೆ.
ಸಂಡೂರು ಪುರಸಭೆ: ನಾರಿಹಳ್ಳ ಜಲಾಶಯದಲ್ಲಿ 13,167.33 ಎಂ.ಎಲ್ ನೀರು ಲಭ್ಯವಿದ್ದು, 6 ತಿಂಗಳವರೆಗೆ ನೀರು ಪೂರೈಸಬಹುದಾಗಿದೆ.
ಇತರೆ ಪುರಸಭೆ/ಪ.ಪಂ: ಕುರುಗೋಡು (ಶೇ. 100 ಭರ್ತಿ-4 ದಿನಕ್ಕೊಮ್ಮೆ), ತೆಕ್ಕಲಕೋಟೆ (ಶೇ. 97 ಭರ್ತಿ-6 ದಿನಕ್ಕೊಮ್ಮೆ) ಹಾಗೂ ಕಂಪ್ಲಿಯಲ್ಲಿ (ನೇರ ಪಂಪಿAಗ್-2 ದಿನಕ್ಕೊಮ್ಮೆ) ಮುಂದಿನ 3 ತಿಂಗಳವರೆಗೆ ನೀರಿಗೆ ತೊಂದರೆಯಿಲ್ಲ. ಸಿರುಗುಪ್ಪ ನಗರಸಭೆಯಲ್ಲಿ (ಶೇ. 52 ಭರ್ತಿ ಹಾಗೂ ನದಿ ಪಂಪಿAಗ್) 3.5 ತಿಂಗಳಿಗೆ ಆಗುವಷ್ಟು ನೀರಿದ್ದು, 8 ದಿನಕ್ಕೊಮ್ಮೆ ಪೂರೈಸಲಾಗುತ್ತಿದೆ. ಕುಡತಿನಿಯಲ್ಲಿ (ಶೇ. 78.57 ಭರ್ತಿ) 2 ತಿಂಗಳವರೆಗೆ 6 ದಿನಕ್ಕೊಮ್ಮೆ ಹಾಗೂ ಕುರೇಕುಪ್ಪದಲ್ಲಿ ಬೋರ್ ವೆಲ್ ಮೂಲಕ ಪ್ರತಿದಿನ ನೀರು ನೀಡಲಾಗುತ್ತಿದೆ.
ಸಾರ್ವಜನಿಕರಿಗೆ ಜಿಲ್ಲಾಧಿಕಾರಿಗಳ ಕಿವಿಮಾತು:
ಮುಂದಿನ ದಿನಗಳಲ್ಲಿ ಎದುರಾಗಬಹುದಾದ ಬರ ಪರಿಸ್ಥಿತಿ ಮತ್ತು ನೀರಿನ ಅಭಾವವನ್ನು ತಡೆಗಟ್ಟಲು ಪ್ರತಿಯೊಬ್ಬ ನಾಗರಿಕರು ಕೈಜೋಡಿಸಬೇಕು. ‘ನೀರಿದ್ದರೆ ಜಗತ್ತು, ನೀರುಳಿಸಿದರೆ ನಮ್ಮ ಭವಿಷ್ಯ’ ಎಂಬAತೆ, ಸಾರ್ವಜನಿಕರು ಈ ಕೆಳಗಿನ ಕ್ರಮಗಳನ್ನು ಕಡ್ಡಾಯವಾಗಿ ಪಾಲಿಸಬೇಕು ಎಂದು ಜಿಲ್ಲಾಧಿಕಾರಿ ನಾಗೇಂದ್ರ ಪ್ರಸಾದ್ ತಿಳಿಸಿದ್ದಾರೆ.
ವ್ಯರ್ಥ ತಡೆಗಟ್ಟಿ: ಹಲ್ಲುಜ್ಜುವಾಗ, ಪಾತ್ರೆ ತೊಳೆಯುವಾಗ ನಲ್ಲಿಯನ್ನು ಅನಗತ್ಯವಾಗಿ ತೆರೆದಿಡಬೇಡಿ ಮತ್ತು ಮನೆಯ ಪೈಪ್ ಗಳ ಸೋರಿಕೆಯನ್ನು ತಕ್ಷಣ ದುರಸ್ತಿಗೊಳಿಸಿ.
ಮರುಬಳಕೆ ಹಾಗೂ ಮಿತಬಳಕೆ: ತರಕಾರಿ, ಅಕ್ಕಿ ತೊಳೆದ ನೀರನ್ನು ಗಿಡಗಳಿಗೆ ಬಳಸಿ. ವಾಹನ ತೊಳೆಯಲು ಮತ್ತು ಅಂಗಳಕ್ಕೆ ಹಾಕಲು ಕುಡಿಯುವ ನೀರನ್ನು ಬಳಸುವುದನ್ನು ಸಂಪೂರ್ಣ ನಿಲ್ಲಿಸಿ.
ಸಂಗ್ರಹಣೆ ಮತ್ತು ಜಾಗೃತಿ: ನೀರು ಬರುವ ಸಮಯದಲ್ಲಿ ಶುದ್ಧ ಪಾತ್ರೆಗಳಲ್ಲಿ ನೀರು ಸಂಗ್ರಹಿಸಿ ಮುಚ್ಚಿಡಿ. ಸಾರ್ವಜನಿಕ ನಲ್ಲಿಗಳಲ್ಲಿ ನೀರು ಪೋಲಾಗುತ್ತಿದ್ದರೆ ತಕ್ಷಣ ಬಂದ್ ಮಾಡಿ ಅಥವಾ ಅಧಿಕಾರಿಗಳ ಗಮನಕ್ಕೆ ತನ್ನಿ. ಮಳೆನೀರು ಕೊಯ್ಲು ಅಳವಡಿಸಿಕೊಳ್ಳುವ ಮೂಲಕ ಅಂತರ್ಜಲ ವೃದ್ಧಿಗೆ ಸಹಕರಿಸಿ ಎಂದು ಅವರು ಕೋರಿದ್ದಾರೆ.

Author
KhushiHost News CMS Pro ®
is Digital Online Newspaper, Publishing Platform From INDIA. Karnataka, National & International, Updates including Politics, Business, Crime, Education, Sports, Science, Current Affairs. Latest Breaking News From India & Around the World.
Comments (0)
Comments appear after approval.
WhatsApp

Don't Miss Out! Join Our WhatsApp Group!

Get latest news updates delivered straight to your WhatsApp.

LATEST
ನೀರಿನ ಮಿತಬಳಕೆಗೆ ಜಿಲ್ಲಾಧಿಕಾರಿ ನಾಗೇಂದ್ರ ಪ್ರಸಾದ್ ಕರೆರೈತರಿಗೆ ಪರಿಹಾರಧನ ನೀಡದಿದ್ದರೆ ಅಧಿವೇಶನ ನಡೆಯಲು ಬಿಡೆವು: ಬಿ.ವೈ.ವಿಜಯೇಂದ್ರ ಸವಾಲುಸಚಿವ ಸ್ಥಾನದ ಮೇಲೆ ಕಣ್ಣಿಟ್ಟಿದ್ದ 12 ಶಾಸಕರಿಗೆ ರಾಜಕೀಯ ಅಧಿಕಾರವಿಶ್ವಗುರು ಬಸವಣ್ಣಗೆ ಅಪಮಾನ: ದೇಶ ತೊರೆಯಲೆತ್ನಿಸಿದ ರವಿಹಂಜ್‌ ಕೊಚ್ಚಿ ವಿಮಾನ ನಿಲ್ದಾಣದಲ್ಲಿ ಬಂಧನ15 ಸಾವಿರ ಪ್ರಾಥಮಿಕ ಶಾಲಾ ಶಿಕ್ಷಕರ ನೇಮಕಾತಿಗೆ ಜನವರಿ 18 ರಿಂದ ಪರೀಕ್ಷೆ ಆರಂಭಮುಂದಿನ ಚುನಾವಣೆಗೆ ಸ್ಪರ್ಧಿಸುವುದಿಲ್ಲ: ಮಾಜಿ ಸಿಎಂ ಸಿದ್ದರಾಮಯ್ಯನಗರಗಳ ಅಭಿವೃದ್ಧಿಗೆ ವಿಶೇಷ ಒತ್ತು: ರಸ್ತೆಗಳಿಗೆ ಹೊಸ ಗ್ರಿಡ್‌ ವ್ಯವಸ್ಥೆ - ಡಿ.ಕೆ. ಶಿವಕುಮಾರ್‌ಬರಗಾಲದ ಸಂಕಷ್ಟಕ್ಕೆ ಧೃತಿಗೆಡದಂತೆ ರೈತರಲ್ಲಿ ಆತ್ಮಸ್ಥೈರ್ಯ ತುಂಬಬೇಕು: ಸಂಸದ ಈ. ತುಕಾರಾಮ್ಸಾರ್ವಜನಿಕರ ಅಹವಾಲು ಸ್ವೀಕರಿಸಿದ ಸಂಸದ ಈ.ತುಕಾರಾಮ್ಸ್ಥಳೀಯ ಚುನಾವಣೆಗಳಲ್ಲೂ ಬಿಜೆಪಿ-ಜೆಡಿಎಸ್ ಮೈತ್ರಿಗೆ ಒಲವು: ಆರ್.ಅಶೋಕ್